မြန်မာစီးပွားရေး လုပ်ငန်းရှင် အမျိုးသမီးများကွန်ယက် (MYANWEN)နှင့် မြန်မာနိုင်ငံလူငယ်စွန့်ဦးတီထွင် လုပ်ငန်း ရှင်များအသင်း (MYEA)တို့အကြား နားလည်မှု စာချွန်လွှာလက်မှတ်ရေးထိုးခြင်းနှင့် MYANWEN နှင့် MYEA တို့ ပူး ပေါင်းကျင်းပသည့် ကမ္ဘာ့စွန့်ဦးတီထွင် ရက်သတ္တပတ် (Global Entrepreneurship Week – GEW 2023) အထိမ်း အမှတ်အဖြစ် “Thriving in Uncertainty” Entrepreneurship Dialogue Session စကားဝိုင်းဆွေးနွေးပွဲ အခမ်းအနားကို ၂၀၂၃ ခုနှစ်၊ နိုဝင်ဘာလ (၁၈) ရက် (စနေနေ့)၊ နံနက် (၁၀:၀၀) နာရီတွင် ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) မင်္ဂလာခန်းမတွင် အောင်မြင်စွာ ကျင်းပပြုလုပ်ခဲ့ပါသည်။
အခမ်းအနားတွင် ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ၏ ဥက္ကဋ္ဌ ဦးအေးဝင်းမှ အဖွင့်အမှာစကားချီးမြှင့်ပြောကြားခဲ့ပါသည်။ ဆက်လက်ပြီး မြန်မာစီးပွားရေး လုပ်ငန်းရှင် အမျိုးသမီးများကွန်ယက် (MYANWEN) ၏ ဒုတိယ ဥက္ကဋ္ဌ ဒေါက်တာစုလှဟန် နှင့် မြန်မာနိုင်ငံ လူငယ်စွန့်ဦးတီထွင် လုပ်ငန်းရှင်များအသင်း (MYEA) ၏ ဥက္ကဋ္ဌ ဒေါ်သင်းသင်းကျော်တို့မှ ကြိုဆိုနှုတ်ခွန်းဆက် စကားကို အသီးသီးပြောကြားခဲ့ပါသည်။
ထို့နောက် မြန်မာစီးပွားရေးလုပ်ငန်းရှင် အမျိုးသမီးများကွန်ယက် (MYANWEN) နှင့် မြန်မာနိုင်ငံ လူငယ်စွန့်ဦးတီ ထွင် လုပ်ငန်းရှင်များအသင်း (MYEA)တို့အကြား နားလည်မှုစာချွန်လွှာကို မြန်မာစီးပွားရေး လုပ်ငန်းရှင် အမျိုးသမီး များကွန်ယက် (MYANWEN) ၏ ဒုတိယဥက္ကဋ္ဌ ဒေါက်တာစုလှဟန်နှင့် မြန်မာနိုင်ငံ လူငယ်စွန့်ဦးတီထွင် လုပ်ငန်း ရှင်များအသင်း (MYEA)၏ ဥက္ကဋ္ဌ ဒေါ်သင်းသင်းကျော် တို့က UMFCCI ၏ ဥက္ကဌ ဦးအေးဝင်း၊ မြန်မာစီးပွားရေး လုပ်ငန်းရှင် အမျိုးသမီးများကွန်ယက် (MYANWEN)၏ နာယကများဖြစ်ကြသော ဒေါက်တာဒေါ်ခင်စန်းရီနှင့် ဒေါ်စန္ဒာခင်တို့၏ ရှေ့မှောက်တွင် လက်မှတ်ရေးထိုးခဲ့ပြီး အသိသက်သေများအဖြစ် မြန်မာစီးပွားရေး လုပ်ငန်းရှင် အမျိုးသမီးများကွန်ယက် (MYANWEN)၏ အလုပ်အမှုဆောင် ဒေါက်တာခင်သိင်္ဂီလှမောင်နှင့် မြန်မာနိုင်ငံ လူငယ်စွန့် ဦးတီထွင် လုပ်ငန်းရှင်များအသင်း (MYEA) ၏ ဒုတိယ ဥက္ကဋ္ဌ ဒေါက်တာသီသီခိုင်တို့မှ ပြုလုပ်ပေးခဲ့ပါ သည်။ ထို့နောက် မြန်မာ စီးပွားရေးလုပ်ငန်းရှင် အမျိုးသမီးများကွန်ယက် (MYANWEN)၏ ဗဟိုအလုပ်အမှုဆောင် ဒေါ်လင်းလင်းတင် ထွန်းမှ ကျေးဇူးတင်စကား ပြောကြားခဲ့ပါသည်။
အခမ်းအနား ဒုတိယပိုင်းအစီအစဉ်အနေဖြင့် Global Entrepreneurship Week 2023 ကို ဂုဏ်ပြုသောအားဖြင့် “ Thriving in Uncertainty” Entrepreneurship Dialogue Session အား ဆက်လက်ကျင်းပရာ မြန်မာစီးပွားရေး လုပ်ငန်းရှင် အမျိုးသမီးများကွန်ယက် (MYANWEN) ၏ ဂုဏ်ထူးဆောင်နာယက ဒေါက်တာ ဒေါ်ခင်စန်းရီမှ အသိပညာပေးစကား ချီးမြှင့်ခဲ့ပြီး၊ Moderator အဖြစ် ဒေါ်ရတနာဇော် (CEO-Founder, Golden Vision Myanmar Co., Ltd) မှ ဆောင်ရွက်ကာ Panelist များအဖြစ် ဦးမျိုးကျော်သူ (Co-founder, May Lay Mart Retail Store)၊ ဦးစည်သူဟိန်း @ Steven (Director, Sinma Group of Companies)၊ ဦးအောင်ထက်ဟန် (Managing Director, Fortune Six CO., LTD) ၊ ဒေါ်ထူးသန့်စင် (Founder of BAY DAR & CO, Principle Consultant of Panellist Business Services)၊ ဒေါ်အိမ့်မျက်သွယ် @ Gloria (Founder & CEO, BB Food Myanmar Ltd)၊ ဒေါ်တင်ယုနွယ် (Co-founder & Operation Director, Shwe Taung Nyo Gyi Co., Ltd) တို့မှ “ Thriving in Uncertainty” နှင့် ပတ်သက်၍ အတွေ့အကြုံများကို မျှဝေဆွေးနွေးကြပြီး၊ တက်ရောက်လာကြသူများမှ သိလိုသည်များအား မေးမြန်း ကြပါသည်။
အဆိုပါ အခမ်းအနားမစတင်မှီ တာဝန်ရှိလူကြီးများနှင့် တက်ရောက်လာကြသည့် ဧည့်သည်များမှ နယ်ပယ်အသီးသီးရှိ အသေးစား၊ အငယ်စား၊ အလတ်စားလုပ်ငန်းရှင်များ၏ ပြည်တွင်းဖြစ် ထုတ်ကုန်ပစ္စည်းများ ဖြစ်သည့် စားသောက်ကုန်၊ လူသုံးကုန်၊ အဝတ်အထည်အစရှိသည့်ပစ္စည်းများ ခင်းကျင်းပြသထားသည့် ပြခန်းများကို လှည့်လည်ကြည့်ရှုခဲ့ကြပါသည်။