မြန်မာစီးပွားရေးလုပ်ငန်းရှင် အမျိုးသမီးများကွန်ယက် (MYANWEN) နှင့် Farmers Development Bank (FDB Bank) တို့အကြား နားလည်မှု စာချွန်လွှာကို MYANWEN အဖွဲ့ဝင်များနှင့် အသေးစား၊ အငယ်စား၊ အလတ်စားလုပ်ငန်းများ (MSMEs) ၏ စီးပွားရေးလုပ်ငန်းများ ရှင်သန်ကြီးထွားလာစေရန်နှင့် ငွေကြေးအထောက်အပံ့များ ရရှိစေနိုင်ရေးတို့ကို အဓိက ရည်ရွယ်၍ ၂၀၂၄ ခုနှစ်၊ ဧပြီလ (၃) ရက်နေ့တွင် လက်မှတ်ရေးထိုးခဲ့ပါသည်။

အဆိုပါ အခမ်းအနားတွင် မြန်မာစီးပွားရေးလုပ်ငန်းရှင် အမျိုးသမီးများကွန်ယက် – Myanmar Women Entrepreneurs Network (MYANWEN) ၏ ဥက္ကဋ္ဌ ဒေါက်တာစုလှဟန်မှ ကြိုဆိုနှုတ်ခွန်းဆက် စကား ပြောကြား၍ Farmers Development Bank (FDB Bank) ၏ Chief Operating Officer Mr. Freddy Lee မှ အဖွင့်အမှာစကားပြောကြားခဲ့ပါသည်။

ထို့နောက် MYANWEN ၏ ဥက္ကဋ္ဌ ဒေါက်တာစုလှဟန်နှင့် FDB Bank ၏ Chief Operating Officer Mr. Freddy Lee, အသိသက်သေများအဖြစ် MYANWEN ၏ အလုပ်အမှုဆောင် ဒေါက်တာမျိုးပပအောင်၊ FDB Bank ၏ Senior General Manager ဦးဝေဖြိုးဦးတို့မှ နားလည်မှုစာချွန်လွှာကို လက်မှတ်ရေးထိုးခဲ့ကြပြီး၊ MYANWEN ၏ ဗဟိုအလုပ်အမှုဆောင် ဒေါက်တာ အေးအေးမာမှ ကျေးဇူးတင်စကားပြောကြားခဲ့ပါသည်။

မြန်မာစီးပွားရေးလုပ်ငန်းရှင် အမျိုးသမီးများကွန်ယက် (MYANWEN) အနေဖြင့် ယခုရေးထိုးခဲ့သည့် နား လည်မှု စာချွန်လွှာမှတစ်ဆင့် အဖွဲ့အစည်း(၂)ခုလုံး၏ ရည်ရွယ်ချက်၊ ရည်မှန်းချက်များကို ဖော်ဆောင်ရာ တွင် အထောက်အကူပြုနိုင်မည်ဟု ယုံကြည်ပါကြောင်းနှင့် စွန့်ဦးတီထွင် မြန်မာအမျိုးသမီး စီးပွားရေး လုပ်ငန်းရှင်များနှင့် အသေးစား၊ အငယ်စား၊ အလတ်စားလုပ်ငန်းများ (MSMEs) ၏ ယှဉ်ပြိုင်နိုင်စွမ်းကို မြှင့်တင်ပေးနိုင်ရန်အတွက် ဆန်းသစ်တီထွင်မှုနှင့် လုပ်ငန်းများချဲ့ထွင်ရာတွင် ငွေကြေး အထောက် အပံ့များ၊ အကြံဉာဏ်များ ပံ့ပိုးကူညီသွားမည်ဖြစ်ပါသည်။

#myanwen

{"slidestoshow":3,"slidestoscroll":1,"dots":"true","arrows":"true","autoplay":"true","autoplay_interval":3000,"speed":300,"loop":"true","lazyload":""}